ປ່າອາຫານສາມາດເຮັດວຽກໄດ້ດີໃນເງື່ອນໄຂສັງຄົມ-ວັດທະນະທຳ ແລະ ສິ່ງແວດລ້ອມທີ່ເໝາະສົມ ໂດຍການສ້າງສະມັດຖະພາບ ສະໜອງອາຫານທີ່ມີຄຸນນະພາບ ເພີ່ມຄວາມຫຼາກຫຼາຍທາງຊີວະນານຸພັນ ແລະ ຟື້ນຟູຄວາມອຸດົມສົມບູນຂອງດິນ. ການພັດທະນາປ່າອາຫານເປັນແນວທາງແກ້ໄຂທີ່ອີງໃສ່ທຳມະຊາດໃນເຂດໂຄງການ ໄດ້ຊ່ວຍຫຼຸດຜ່ອນການສູນເສຍພືດຜົນຈາກຄວາມແຫ້ງແລ້ງໃນປີ 2023 ປະມານ 20-35% ຫຼຸດຜ່ອນຄວາມເສຍຫາຍຈາກນ້ຳຖ້ວມໂດຍການປູກຕົ້ນໄມ້ຕາມຝັ່ງຫ້ວຍ ເພີ່ມຜົນຜະລິດພືດປະມານ 25% ແລະ ປັບປຸງລາຍໄດ້ ແລະ ຊີວິດຄວາມເປັນຢູ່ຂອງຊາວບ້ານທ້ອງຖິ່ນຜ່ານການຂາຍຜະລິດຕະພັນຈາກປ່າອາຫານ. ນອກຈາກນັ້ນ ໂຄງການຍັງໄດ້ຍົກລະດັບຄວາມຕະຫຼອດຮູ້ກ່ຽວກັບຜົນກະທົບຈາກການປ່ຽນແປງອາກາດ ແລະ ປ່າອາຫານເປັນແນວທາງແກ້ໄຂ ສຳລັບປະຊາຊົນຫຼາຍກວ່າ 2000 ຄົນໃນພື້ນທີ່.
