ຄູ່ມືສຳລັບຜູ້ຝຶກອົບຮົມ: ການຝຶກອົບຮົມກະສິກຳອິນຊີແບບຟື້ນຟູສຳລັບຊາວປູກມະພ້າວ

ຄູ່ມືທາງເທັກນິກນີ້ ຖືກຈັດທຳເພື່ອມາດຕະຖານວິທີການ ແລະ ເພີ່ມຂີດຄວາມສາມາດໃຫ້ກັບທີມຄູຝຶກຫຼັກ (trainers) ທີ່ເຂົ້າຮ່ວມການຝຶກອົບຮົມກະສິກອນປູກມະພຣ້າວ Nam Hom ຈາກຮູບແບບການປູກແບບດັ້ງເດີມໄປສູ່ລະບົບກະສິກຳອິນຊີຟື້ນຟູທີ່ຍືນຍົງ. ໂຄງສ້າງຫຼັກສູດໄດ້ຖືກຈັດເປັນ 8 ຫົວຂໍ້ການຮຽນຮູ້ ຄອບຄຸມຕັ້ງແຕ່ທິດສະດີພື້ນຖານ ໄປຈົນຮອດການປະຕິບັດຈິງ ແລະ ການທັດສະນະພາກສະໜາມ ກ່ຽວກັບການຈັດການສຸຂະພາບດິນ, ປຸ໋ຍອິນຊີ, ການຄວບຄຸມສັດຕູພືດແບບ IPM ແລະ ທັກສະການຈັດການທຸລະກິດກະສິກຳ. ຈຸດເດັ່ນຂອງຄູ່ມືນີ້ແມ່ນການແນະນຳວິທີການສອນຢ່າງລະອຽດ ໂດຍສົ່ງເສີມໃຫ້ຄູຝຶກໃຊ້ການສົນທະນາເປັນກຸ່ມ ແລະ ການມີສ່ວນຮ່ວມ ແທນການບັນຍາຍທາງດຽວ ພ້ອມທັງແນະນຳໃຫ້ມີຄູຝຶກຢ່າງນ້ອຍ 2 ຄົນຮ່ວມມືກັນເພື່ອເພີ່ມປະສິດທິພາບການຈັດການຫ້ອງຮຽນ ແລະ ການສອນ.