ເອກະສານນີ້ເປັນຄູ່ມືວິຊາການທີ່ຈັດທຳຂຶ້ນເພື່ອຍົກລະດັບທັກສະການສອນ ແລະ ການຖ່າຍທອດຄວາມຮູ້ຂອງຜູ້ຝຶກສອນທ້ອງຖິ່ນທີ່ເຂົ້າຮ່ວມໂຄງການອົບຮົມດ້ານການເງິນສຳລັບຊາວກະສິກອນ. ເນື້ອຫາຂອງຄູ່ມືປະກອບດ້ວຍຄຳແນະນຳພາກປະຕິບັດກ່ຽວກັບການສ້າງບັນຍາກາດການຮຽນຮູ້ທີ່ເປັນມິດ, ການຈັດກິດຈະກຳລະລາຍພຶດຕິກຳ ແລະ ການນຳໃຊ້ສື່ທາງສາຍຕາເພື່ອໃຫ້ການອົບຮົມມີຄວາມນ່າສົນໃຈຫຼາຍຂຶ້ນ. ຫຼັກສູດຖືກອອກແບບຕາມ 7 ຫົວຂໍ້ຫຼັກ ປະກອບດ້ວຍ ການບໍລິຫານລາຍຮັບ-ລາຍຈ່າຍຂອງຄົວເຮືອນ, ການວາງແຜນກະແສເງິນສຳລັບການຜະລິດກະສິກຳ, ການອອມເງິນ, ການລົງທຶນ, ການເຂົ້າເຖິງແຫຼ່ງທຶນສີຂຽວ, ບໍລິການການເງິນດິຈິຕອນ ແລະ ການບໍລິຫານຄວາມສ່ຽງຜ່ານລະບົບປະກັນໄພ. ຄູ່ມືນີ້ເປັນແຫຼ່ງຂໍ້ມູນມາດຕະຖານທີ່ສຳຄັນ ຊ່ວຍໃຫ້ຜູ້ຝຶກສອນສາມາດຖ່າຍທອດຄວາມຮູ້ໄດ້ຢ່າງມັ່ນໃຈ ແລະ ເປັນໄປໃນແນວທາງດຽວກັນ ພ້ອມທັງສົ່ງເສີມແນວຄິດນະວັດຕະກຳ ແລະ ຄວາມສາມາດພຶ່ງພາຕົນເອງທາງການເງິນຂອງຊຸມຊົນກະສິກອນ.
