ປຶ້ມຝຶກອົບຮົມສະບັບນີ້ ຖືກພິມຈຳໜ່າຍຂຶ້ນ ເພື່ອຈຸດປະສົງໃນການເພີ່ມຄວາມຮູ້ ແລະ ຄວາມເຂົ້າໃຈກ່ຽວກັບກົດໝາຍທີ່ດິນ, ພ້ອມທັງນຳໃຊ້ຕົວຈິງ ກ່ຽວກັບວິທີການເກັບກຳຂະບວນການ/ເຫດການຕ່າງໆ ທີ່ກ່ຽວຂ້ອງກັບບັນຫາທີ່ດິນ ສຳລັບອົງກອນພົນລະເຮືອນທີ່ເຄື່ອນໄຫວດ້ານທີ່ດິນ (ຫຼື ຜູ້ທີ່ສົນໃຈການຄົ້ນຄວ້າສັງຄົມກ່ຽວກັບທີ່ດິນ).
ປຶ້ມຫົວນີ້ປະກອບດ້ວຍ 3 ພາກສ່ວນໃຫຍ່: ພາກທີ (1) ຕັ້ງແຕ່ບົດທີ 1 ຫາບົດທີ 2 ນຳສະເໜີກ່ຽວກັບການກະກຽມກ່ອນການຝຶກອົບຮົມ ແລະ ສິ່ງທີ່ຄວນພິຈາລະນາໃນເວລາຈັດການຝຶກອົບຮົມ. ພາກທີ (2) ຕັ້ງແຕ່ບົດທີ 3 ຫາບົດທີ 5 ທົບທວນກ່ຽວກັບກອບກົດໝາຍທີ່ກ່ຽວຂ້ອງໂດຍກົງກັບການຂຸດຄົ້ນ ແລະ ນຳໃຊ້ທີ່ດິນ ແລະ ຊັບພະຍາກອນ, ພ້ອມທັງການເຊື່ອມໂຍງລະຫວ່າງກົດໝາຍສະບັບຕ່າງໆ. ພາກທີ (3) ຕັ້ງແຕ່ບົດທີ 6 ຫາບົດທີ 7 ນຳສະເໜີກ່ຽວກັບວິທີການຄົ້ນຄວ້າທີ່ເປັນປະໂຫຍດທີ່ສຸດ ເມື່ອບັນທຶກຂະບວນການ/ເຫດການໃດໜຶ່ງ.
